जीवन फल

तपाईको जीवन सुखमय नै रहनेछ । आफ्नो उन्नति र भाग्यको वृद्धि गर्ने, प्रत्येक काम कठोरले साध्य गर्ने मार्गतिर जान तत्पर रहने हुन्छ । बचनको धनी पक्कै हुनुहुन्छ तर क्षण क्षणमा विचार बदल्ने व्यक्ति पनि तपाई नै हुनुहुन्छ । तपाईको विचारधारा दार्शनिक, धैर्ययुक्त, विचारपूर्ण, कला प्रेमी, एकान्तप्रेमी, स्वच्छताप्रिय तथा आराम चाहने छ । उदार हृदय, स्पष्ट वक्ता, विनम्र, शान्त, दयालु, परोपकारी सौर्न्दर्य प्रेमी, व्यवहार कुशल समयको विचार गर्ने हुनुहुन्छ । गम्भीर परिश्रमी र बढी गहिराइले सोच्ने विचार गर्ने शक्ति तपाईमा विद्यमान छ । कलाकार, शिक्षक, नेता, लेखक एवं पत्रकार हुने गुण तपाईमा भरपूर छ । तपाई ब्राहम्ण हुनुहुन्छ भने वेद, पुराणादि एवं धर्ममा इच्छा राख्ने स्वभावको हुनुहुन्छ । तपाईका राशि स्वामी गुरु, क्षेत्रीय वर्णअग्नि तत्व द्धिस्वभाव संज्ञक हो ।

कठोर सिद्धान्तको मनस्थिति तपाईको छ । सात्विक वृत्ति अथवा श्रेष्ठ विचार गर्ने, श्रेष्ठ व्यक्तिको प्रिय, लेखक, भाषण, शिल्पकलामा निपूर्ण, राम्रो शीलको स्त्रीले युक्त, अभिमानी, अविचारपूर्ण कार्य निराकरण गर्ने तपाईको आदत छ । मनोहर बोली, तेजस्वी, चतुर एवं अत्यन्त कठोर परिश्रमको ख्यात्रि्राप्त गर्ने व्यक्ति तपाई हुनुहुन्छ । जिन्दगीमा केही बखत विदेशको यात्रा गर्नुहुनेछ । दिमाग स्थायी रहनेछैन । तपाईको लागि जुन महिना र प्रत्येक महिनाको ३,९, १९, २४ तारिख तथा शुक्रबारको दिन घातक छ । अतः यी दिनमा सावधान रहनुपर्ने हुन्छ । पूर्व दिशाको साइत गुरुबार गरे कार्य सिद्ध हुनेछ । कुनै अपराधीलाई शीघ्र क्षमा गर्ने तपाईको स्वभाव हुनेछैन । पारिवारिक कारणमा प्रायः तपाईको मन दुखिरहन्छ । दौडधूप र यात्रादि आउने जाने जीवनभरी गर्नुपर्ने छ। अधिक भोजन र चास्स चुस्स खाने आदत हुनेछ । तपाई स्नान, ध्यान, भोजन, जलपान, सुत्न, उठ्न नियमित ठीक समयमा गर्न पाउनु हुनेछैन । यस विषयले तपाई विरामी हुन धेरै सम्भव छ । तपाइको मन पनि एकाग्र रहने छैन । अनियमित समयमा तपाई काम गर्नुहुन्छ । रुपैयाँ पैसाको कमी, चिन्ता नोक्सानी र व्यवहारमा झमेला होला । धनु राशिको स्त्री व्रत पूजा, पाठमा रुचि राख्ने हुन्छिन् । दान उपकार र मद्दत गर्नमा दक्ष हुनेछिन् । संगीत शील्प, घर गृहस्थी, सन्तान पालन आदि धेरै कलामा विद्धान रहनेछिन् । आफ्ना पतिको सुख सौभाग्यवती सन्तान, सुख मध्यम हुनेछ । तपाईको धनु राशिको जीवनमा एक ध्रुव हुनेछ ।

लालचा, क्रोध र ठट्टावाजी तपाईको विशेषता हो ।स्त्रीको साधु महात्मा उद्योगपति साथ सर्म्पर्क उठबस होला । तपाई पराक्रमी भए पनि अतिनिन्द्रा आलस्यको कारण प्रायः आफूले बनाएको आफैले बिगार्नुहुन्छ । उही निरन्तर प्रगतिको प्रेरणा दिने हुनेछ । मनोहर आकृति, गम्भीर हृदय होला । तपाई प्रायः सात्विक, राजसी, तामसी तीन गुणले प्रभावित हुनुहुन्छ । साधारणतः तपाईको आफ्नो सर्म्पर्कमा रहने मानिसले धोका दिने, विश्वासघात गर्ने हुन्छन् । अन्त्य उमेरमा सन्तोषजनक धनलाभ, ख्याति मान, प्रतिष्ठा, भाग्योदय, धार्मिक प्रवृत्ति, जमिन, जायजेथाको खरिद विक्री तथा देश विदेशको यात्रा सम्भव हुनेछ । कारोबार, नोकरी, कृषि व्यवसाय सफल हुनेछ । तपाई (स्त्रीको लागी) को पति बृहस्पति शुभग्रह हुनाले शुभफल दिनेछ । गुरु जब अशुभ छ र अशुभ फल दिनुपर्यो भने र्सवथा विनाशकारी हुनेछ । गुरुको स्वतन्त्र फल बताउन गाह्रो हुनेछ । गुरुको अशुभ फल विश्वको कोही प्राणी सहन नसक्ने हुन सक्छ । गुरुको अशुभ प्रभाव छिटो पर्छ । शुभ प्रभाव विलम्बसँग पनि आँउछ । धेरै त गुरु शुभकार नै हुन्छ । जन्मकालमा छैठौँ, आठौँ, बाह्रौँ र मकर राशिको अस्त गुरु अशुभ हुन्छ । गुरु वलवान छ भने विवध उपायद्धारा कर्मठ, ज्ञानी, धनवान र वलवान हुन्छ । यसमा सन्देह छैन । तपाईको स्मरणशक्ति राम्रो छ । निष्पक्ष, न्याय गर्ने क्षमता भएको हुनुहुन्छ ।

स्वभाव र चरित्र

यो राशिको स्वामी बृहस्पति ग्रह हो । यो राशिका मानिसहरु विचार र सिद्धान्तको खोजीमा लागिरहन्छन् । त्यसैले गर्दा कसै कसैले त यिनीहरुलाइ कस्त उदासिन खालका भनेर पनि सोच्ने गर्दछन् । उनीहरु भावनामा डुबेर काम गर्दछन् । यिनीहरु जस्तोसुकै कष्टलाई पनि सहनसक्ने र दृढ भएर रहनसक्ने खालका हुन्छन् । यिनीहरु समय मुल्याकंन गर्न र समयअनुसारको लाभ उठाउनसक्ने खालका र समयलाई बुझेका हुन्छन् । त्यसैले गर्दा पनि यिनीहरु समयअनुसार आफूलाई परिवर्तन गर्नसक्ने हुन्छन् । हरेक किसिमका सांस्कृतिक कार्यक्रममा भाग लिइरहन्छन् । आफैमा खुसी भएर रहन सक्छन् । यस राशिवालाहरु दुरगामी हुन्छन् । आत्मालाई पूर्णरुपमा अनुशासनमा राख्नसक्ने हुन्छन् । तर अर्काबाट यिनीहरु चल्ने खालमा हुदैनन् । आफ्ना प्रिय साथीहरुबाट पनि निर्देशन गरेको मन पराउदैनन् । यस राशिका मानिसहरु आफ्नो समस्या र रहस्यालाइ नभनिकन राख्नसक्ने हुन्छन् । शंकालु हुन्छन् त कहिले अर्काको मामलाको विषयमा ज्यादै रुचि राख्दछन् ।

प्रेम सम्बन्ध

धनु राशिका १०-१५ प्रतिशत व्यक्तिहरुमा प्रेम सम्बन्ध भमराको जस्तो हुन्छ । प्रेमी वा पत्नी असल गृहणी हुन्छिन् । यिनको प्रेम केही विपरीत लिंगमा हुन्छ । केही प्रेमिकाबाट वैराग्य लिनुपर्ने पनि हुन सक्छ । यिनीहरुको प्रेमिकाको विषयमा र्सवस्व दिने र विश्वाश गर्ने बानिले केही धोका पर्नसक्छ । यस राशिलाई कुम्भ, मीन, मिथुन र कन्या राशिका प्रेम सफल र गहनशील हुन्छ । यिनको व्यवहार, मन आदानप्रदान द्धिपक्षीय हुन्छ । स्त्रीका लागि नैर्सर्गिक गुण कुनै व्यक्तिमा हुन्छ । सुन्दर, मनोहर, प्रभावशाली र सुख व्यक्तिलाई मात्र तपाई आफ्नो जीवनसाथी बनाउनुहुन्छ । यिनीहरु सेक्सका सम्बन्धमा सुन्दर हुनु अति जरुरी सम्झन्छन् । यो राशिका प्रेमी प्रेमीकाहरु आर्दशवादी हुन्छन् । जसले केही मात्रामा यथार्थलाई पनि बुझेका हुन्छन् । वृष र कन्या सँगको प्रेममा अधिक सफलता प्रदान गर्ने छ अन्य सँग सामान्य नै रहनेछ ।

अन्य राशिसँगको सम्बन्ध र यसबाट हुने लाभहानि

मेष राशिसँग

धनु राशिको मेष राशिसँग व्याहारिक सम्बन्ध मध्यमै होला । यिनको आन्तरिक सद्भावना समृद्धशाली र जीवन प्रभावशाली हुनेछ । व्यापार, व्यवहार एवं परिवारको सम्बन्ध एक दोस्रोको हितकारी हुनेछ । कोही अरु राशि भएकाले, जबसम्म यी दुइवीच फुट गराउन गहिरो चाल चल्ने प्रयास गर्नेछन् । तापनि यिनको मायायुक्त जोडी बनेर नै छाड्ने छ । मेषक लागि धनुले गाइडको काम गर्ने छ र धनुले मेषको पूर्ण सुरक्षाको विश्वास गर्दै रहनेछ । परस्पर सहयोगले उन्नति समृद्धिको मार्ग मिल्नेछ । एउटाको गल्ती दोस्रोले छिपाउने प्रयास गर्नेछ समझदारी राम्रो बढिरहनेछ ।

वृष राशिसँग

वृष राशिसँग धनु राशिमा खरो सम्बन्ध र खटपखापट हुँदै रहन्छ । उनीहरुको षटकाष्ट पर्ने राशि हो । आपसम विवाद, साहस, निरीक्षण, शान्ति आर्श्चर्यजनक रुपले सक्रिय र तँ भन्दा म ठूलो भनेजस्तो हुन्छ । धनु राशिले वृषको भावी तयारीको लागि प्रेरित गर्छ । आम्दानी, खर्च एवं र रचनात्मक कार्यको लागि वृषबाट धनुलाई सहायता मिलिरहन्छ । यिनीहरुको आपसी दुश्मनीबाट पनि झनै नराम्रो छ, केवल परिचय र मित्र मित्रता गरेर पनि पूर्णतः कामकाज नबन्न सक्छ । पति पत्नीका लागि पनि यिनीहरुको जीवन दुर्भाग्यपूर्ण हुनेछ ।

मिथुन राशिसँग

धनु राशिको मिथुनसँगको सम्बन्ध सदैव प्रभावित रहनेछ । यिनको मधुर सम्बन्ध सन्तुलित रहनेछ । आफ्नो आत्मीय सम्बन्धले आफ्नु तर्फएकलाई अर्काले आकर्षा गर्नेछ । आफ्नो योग्यताअनुसार दुवै ठूलो बन्न चाहन्छन् । बीचबीचमा संर्घषको स्थिति आउनेछ । अन्तमा कसैबाट स्थायी मित्रता बन्नेछन् । यिनको सुरक्षाको भावना अत्यधिक बलवान हुनेछ । मिथुनको लागि धनु राशि विश्वास गर्न योग्य हुनेछ । यिनको सम्बन्ध अधिक उमेरतक सुखदायी हुनेछ । व्यावसायिक भागीदारीमा धनु राशि लाभान्वित हुनेछ । मिथुनको बल सहनु पर्नेछ । अनीति र अन्यायमा दुवै बचन बद्ध हुनेछन् । यिनको विरोधीसँग लड्ने शक्ति भरपूर हुनेछ ।

कर्कट राशिसँग

धनु र कर्कट राशिको सम्बन्ध मध्यमै होला । यिनको षटकाष्ट परेको छ । तापनि मित्र परेको छ । धनु राशिको कर्कटमा आत्म त्यागको प्रेरणा मिल्नेछ । कर्कटबाट धनु राशिसँग एक पक्षीय हितकारी सम्बन्ध रहनेछ । दुवैको सम्बन्धको लामो यात्रा हुनेछ । समस्या पर्नेछ । एकको प्रयत्न अर्कोलाई चुनौति दिनेमा संलग्न हुनेछ । यिनको गु्रपमा एकको प्रति अर्को केही कमजोर भै बस्ने छन् । दोस्रोको लागि यिनी असहनीय हुन जानेछन् र क्रमशः प्रतिद्धन्द्धिता हुन जानेछ । श्रेष्ठजनको बीच बातचित लेखा कानूनस्तरले सम्झौता गरे उत्तम होला । फेरि प्रतिशोधक भावना मनमा राख्न पनि सक्षम हुनुहुनेछ । पति पत्नीको रुपमा यिनको सम्बन्ध केही समयतक सफल रहनेछ । मित्रता र भागीदारी सम्बन्ध राम्रो हुने छैन ।

सिंह राशिसँग

धनु राशिलाई सिंहबाट संरक्षण मिल्नेछ । किन्तु धनुबाट सिंह भयभीत रहनेछ । कल्पनामा दौडने कुराको प्रभाव पार्न सिंह राशि अभ्यस्त हुनेछ । यथार्थ धरातलमा सत्य र न्यायको लर्डाई गर्नको लागि धनु राशि निष्पक्ष रहनेछ । काल्पनिक जगतमा धनुको साथ सिंहको सर्म्पर्क धन अथवा समय नष्ट गर्नुमात्र हुन सक्छ । धनु भन्दा सिंह बलवान हुनेछ । धनुको सर्म्पर्कले सिंह अतिरिक्त वस्तुको संग्रह तथा सुरक्षा बढाउनेमा पूर्ण र्समर्थ हुनेछ । यिनको सहकर्मी, सहयात्री र व्यापारमा भागीदारी हुन केही लाभ र केही हानि सुचक हुनेछ । यिनको बफादारी अहम् बन्ने बानीले पनि केही बिगार्छ ।

कन्या राशिसँग

धनुराशिको कन्या राशिसँगको सम्बन्ध एक आदर्श समीकरण बन्नेछ । धनुले कन्याको सम्बन्ध मधुर बनाउनेछ । यिनको जीवनमा विनोद या मनोरञ्जनको लागि कुनै स्थान रहनेछैन । आर्थिक व्यवहार नरहेम धनुको भावी जीवनम कन्या राशि प्रयाप्त सहायता दिनेछ । कन्याको प्रयत्नले धनु राशि आफ्नो लक्ष्यउपर बढ्ने छ र सामाजिक एवं आर्थिक स्थिति सुदृढ हुनेछ । यी दुइ राशिको एकले दोस्रोलाई माथि उठाउने भावना रहनेछ । पति पत्नी या भागीदारीको रुपमा यी दुइ एकले अर्काको लाभकारी हुनेछन्, यिनको आदर्श र अनुराग लोकप्रिय हुनेछ ।

तुला राशिसँग

धनु राशि र तुला राशि बीचको सम्बन्ध राम्रै हुने देखिन्छ । धनुको ग्रह सुरक्षा तथा आर्थिक आधारमा तुला राशिले राम्रो अर्थमा प्रभावित गर्नेछ । आपसमा दुवैको धेरै समय त्यागको आय पनि पछि अधिक सम्बन्ध सुदृढ हुनेछ । धनुले तुलाको सम्बन्ध सफल राख्नेछ । दुवैले एक अर्काको सहयोग गर्नु अधिक कर्तव्य सम्झनेछन् र गर्ने पनि छन् । यदि पारस्परिक निकट रहने भएम दुवैको मेल स्थायी एवं सुखमय हुनेछ । रुढीवादीलाई नमान्ने दुवै राशिको गुण हुनेछ । अन्य राशिवालालाई यिनीहरुले दवाउनेछन् । अर्काको आलोचना सहन पर्नेछ । अधिक सहनुपरेमा यी दुवै मिलेर विद्रोहीसग क्रान्ति गर्नेछन् ।

वृश्चिक राशिसँग

धनु राशिको वृश्चिक राशिसँग सामान्य सम्बन्ध रहनेछ । धनुको कमजोरी ठीक गर्ने र ठीक लाइनमा लाने काम वृश्चिकले गर्नेछ । यात्रा एवं रचनात्मक कार्यको लागि वृश्चिकले धनु राशिलाई प्रेरणा प्रदान गर्नेछ । कुनै महत्वपूर्ण कार्य गर्नको लागि एकले अर्कालाई प्रभावित गर्ने छन् । उसै प्रभावशीलतामा दुवै प्रोत्साहित हुँदै रहन्छन् । धनुबाट वृश्चिकको उच्च शिक्षाको प्रेरणा आध्यात्मिक लाभ तथा नैतिक चरित्रको उपलब्धि हुनेछ । धनुको संगतिले वृश्चिक राशि स्वयं आफ्नो रहस्यलाई जान्न बुझ्न र्समर्थवान हुनेछन् । बौद्धिक स्तरको विषमता यिनीहरुका लागि कष्ठकारी हुनेछैन । शारिरिक र मानसिक सन्तुष्टि राम्रो रहन्छ ।

धनु राशिसँग

धनु राशिसँग धनु राशिको सम्बन्ध मित्रता, सराहनीय हुन्छ । ज्ञान, वुद्धि, विचार र भावनाको परस्पर आदान प्रदान मार्ग पहिल्याउने विस्तारै सही निर्णय गर्न सही ठाँउमा पुग्ने विशेषता हो । मित्रता, भागीदारी या साझेदारीको रुपमा निर्वाह हुनेछ । विवाद पनि हुनेछ । धनु स्त्रीको साथमा धनु पुरुषको पारिवारिक जीवनमा कुनै नराम्रो व्यवहार पनि हुनेछ । यिनको जीवन गुजारा प्रेमपूर्वक हुन्छ तर एकै नक्षत्रको एउटै पाउ भएमा केही हानी हुन सक्छ । क्षणक्षणमा विवाद हुनसक्छ । यिनीहरु एक अर्काको प्रति आशावादी र समर्पित हुनेछन् ।

मकर राशिसँग

धनु राशिको मकर राशिसँग सामान्य सम्बन्ध रहनेछ । धनुप्रति मकरको आशंका निर्मूल हुनेछ । धनुले मकरको आशा, आकांक्षा, जनसर्म्पर्क एवं रचनात्मक कार्यको उद्देश्य परिपूर्ण गर्नेछ । धनुले मकरको राम्रो सुझबुझ मिलाउनेछ र संरक्षकको रुपमा एक पे्ररणादायी हुनेछ । धनुप्रति मकरको अत्याधिक आलोचनात्मक रुपमा सम्बन्धको मधुरता हुनेछ । यिनको कार्य विचार उद्देश्य एवं मनोरञ्जनमा एकरुपता नआउन सक्छ । फेरि उचित सन्तुलन बनाइराख्न जरुरी हुन जानेछ । पति पत्नीको रुपमा यिनको सम्बन्ध अधिक सफल नहुन सक्छ । व्यापारको साझेदारी भएमा यिनको व्यवहार राम्रो हुनेछ ।

कुम्भ राशिसँग

धनु राशिको कुम्भ राशिसँगको सम्बन्ध लाभकारी नै हुनेछ । आफ्नो स्वभाविक प्रदर्शनले कुम्भको सरलता धनुको लागि प्रेरणादायी हुनेछ । यी दुवैको बीचको मधुरता समाप्त पार्न अन्य राशिहरु सक्रिय हुनेछन् । कुम्भ राशिको श्रृंखलाभित्र धनुले इष्टमित्र, यात्रा, शिक्षा एवं नवीन कार्यको क्षेत्रमा राम्रो प्रभाव गराउनेछ । पति पत्नीको रुपम गृहस्थ जीवन आरम्भदेखि अन्त्यतक सुखी हुनेछ । आपसमा पति पत्नी, दोस्ती, पाटनर हुनु सफल हुनेछ तर परस्पर र विरोध भएमा हानि हुनेछ । दुवैको पारस्परिक सर्म्पर्कले प्रवास, लेखन, प्रकाशन, पुरुषार्थ बौद्धिक प्रयोग एवं मानसिक सक्रियताको बल शक्ति मिल्नेछ ।

मीन राशिसँग

मीन राशिमा धनु राशिको सम्बन्ध गहिरो हुन्छ र दुइको संयोग भएमा व्यवहार, सहयात्रा, सहवास, हितकारी हुनेछ । धनुदेखि मीनलाई प्रबल शक्ति मिल्नेछ । परस्पर समझदारी प्रेम भावना रहन्छ । नयाँ योजनाको निर्माण त्यसको कार्यान्वयन गर्ने इच्छामा धनु राशिलाई मीनको स्वप्नदर्शी एवं आध्यात्मवादी बन्नेछ । यिनको सम्बन्ध रोमान्टिक बन्नेछ । पति पत्नीको रुपमा गृहस्थ जीवन सुख शान्तिपूर्ण हुनेछ । व्यापारी भागीदारीमा पनि लाभकारी हुनेछ